Цели и задачи

Основната цел заради која е формирана „ ТТЗ – Текстилен кластер“ е да допринeсе за растот и развојот на текстилната индустрија во Р. Македонија, преку поставување и оставарување на следниве задачи:

1. Престој на странски пазари – модните трендови да станат достапни за голем број индивидуални компании, кои не можат да си дозволат сами да ги посетуваат трговските саеми; поставување на штандови на трговските сеами за заедничка продажба на македонските производи;
2. Проценка на македонските производи наспроти странската конкуренција, не во поглед на модата, туку во поглед на производните техники и спецификации;
3. Обезбедување на листа на потенцијалните европски и прекуморски клиенти, како и презентирање информации за нашите компании;
4. Преговори со банки како една единствена индустрија за погодни услови за заеми;
5. Воспоставување контакти со сите Владини институции за остварување на специфичните интереси на текстилната индустрија во поглед на даноците, трудот и социјалата, економските прашања и др.; заедничкиот-колективен настап пред овие институции ќе води кон подобри преговори;
6. Воспоставување контакти и редовна комуникација со Стопанските комори, домашни и странски агенции и институти, странски владини и невладини организации и донатори со што ќе се овозможи размена на податоци и информации како и учество во проекти и користење на донации;
7. Соработка со образовните установи – факултети, школи, за поставување појак текстилен програм кој ќе обезбедува високо квалификуван лидерски кадар за текстилната индустрија

Ативности на Текстилниот кластер:

• Поврзување со странски клиенти и организирање нивна посета на производни капацитети
• Практични обуки од страна на странски консултанти по промотивни цени
• Учество на Б2Б средби, конференции и саеми
• Информации за пазарите и состојбите
• Истражување на нови пазари
• Поддршка во делот на социјално сертифицирање BSCI, SEDEX/SMETA
• Соработка со образовни институции – текстилни училишта и факултети
• Лобирање во Владини и невладини институции (вклучително и Царината) за решавање на проблемите кои се присутни во секторот
• Изготвување и учество во проекти