Конференцијата, организирана од European Clusters Alliance, собра над 100 претставници од кластер организации, институции, Европската комисија, регионални и меѓународни чинители, кои преку инспиративни говори, примери на добри практики и конструктивни дискусии ги отворија клучните прашања поврзани со предизвиците и потребите на европскиот кластер екосистем.

Во рамки на конференцијата беше остварена и дисеминација на проектите VERDEinMED и Mission4Water, кои Текстилното Трговско Здружение – Текстилен кластер моментално ги реализира. Проектите беа претставени како примери за унапредување на циркуларната економија, одржливото управување со ресурси, развојот на зелени иновации и зајакнување на меѓусекторската соработка на регионално и европско ниво.

 

Настанот овозможи и вредна можност за вмрежување, размена на искуства и воспоставување нови контакти, како и за идентификување потенцијални синергии помеѓу европските иницијативи и проектни активности.

Продолжуваме активно да придонесуваме кон европскиот кластер екосистем и да ја истакнуваме важноста на кластерите како двигатели на иновации, конкурентност и одржлив развој, преку имплементација на проекти кои адресираат реални предизвици поврзани со одржливоста и управувањето со ресурси.