Онлајн работилница  на тема „Како да се користат новите дигитални алатки за трансформирање на активности на компанијата во текстилната индустрија“ одржана на 17.06.2022 година

Онлајн работилница  на тема „Како да се користат новите дигитални алатки за трансформирање на активностите на компанијата во текстилната индустрија“ се одржа на 17.06.2022година, во рамките на проект од програмата EDGE на УСАИД (Economic Development, Governance and Enterprise Growth), имплементиран од Текстилниот кластер (како водечки партнер) заедно со кластер ФАКТС од Србија и ПРОЕКСПОРТ ассоцијацијата од Албанија.
На онлајн работилницата- презентација на тема „Како да се користат новите дигитални алатки за трансформирање на активностите на компанијата во текстилната индустрија“, присуствуваа компаниите членки на партнерските здруженија и компании кои се подготвени да се вклучат во проектните активности и компании кои се  активни во индустријата за текстил, мода и облека во избрани земји партнери, а исто така и образовни институции во текстилниот сектор од трите земји.
Настанот имаше за цел да ги запознае учесниците со новите дигитални алатки и како да се користи познатата платформа WGSN за модни предвидувања по што ќе се овозможи пристап до истата и ќе можат да ја користат дизајнерите и компаниите за да ги развиваат своите производи и понуди како и имиџот воопшто на компанијата. Настанот беше организиран од кластерот ФАКТС од Србија и имаше предавачи од Лондон и Србија.