ТТЗ- Текстилен кластер заедно со здружението ПРОЕКСПОРТ од АЛБАНИЈА и кластер ФАКСТ од Србија одржаа Б2Б настан во Тирана, Албанија на 14 октомври 2022 година кој се организираше во склоп на албанскиот меѓународен саем Conf Expo 2022. Б2Б настанот беше организиран во склоп на УСАИД ЕДГЕ проектот Отворени балкански иницијативи, и имаше за цел се одржи конкурентноста и да се иницира соработка помеѓу компаниите од балканскиот регион и пошироко.

Настанот имаше свечено отварање со говор од претставниците од здруженијата на Албанија, Северна Македонија и Србија и секоја од земјите имаше презентација за секторот за текстил и облека во својата земја.

На овој Б2Б настан  учествуваа компании од текстилниот сектор од секоја од трите земји партнери во проектот како и претставници од образовни институции од сите три земји. На настанот учество имаа претставници од две странски агенции од Германија и Англија, кои имаа Б2Б средби со менаџерите на трите здруженија партнери во проектот со цел поврзување на нивните членовите со клиенти од Англија и Германија кои тие ги претставуваат, како и Б2Б средби со претставници на компаниите учеснички на настанот во Тирана од Северна Македонија, Србија и Албанија.

Компаниите кои од 3-те земји партнери имаа Б2Б средби меѓу себе со цел можност за заедничка соработка, а имаа можност и да бидат дел од саемот како посетители и да се запознаат и остварат средби со изложувачите на саемот со цел можна идна соработка.