На датум 22.11.2022 Кластер FACTS од Србија, во партнерство со ТТЗ-Текстилен кластер од Македонија и Проекспорт од Албанија во склоп на проектот поддржан преку грант од регионалниот проект на УСАИД за економски развој, управување и раст на претпријатијата,  одржа  настан во живо во Белград: „Тренинг и студиски турнеја на теми од е-трговија, дигитален маркетинг и брендирање во модната индустрија“.

 

Преку студиската посета и обука на учесниците им беа претставени најдобрите практики во областа на е-трговија и дигиталниот маркетинг, истовремено обезбедувајќи вреден увид за практичните примери на Брендирањето преку организирана посета на водечките брендови од Србија.

 

Целта на настанот беше преку обука, практични примери во склоп на студиското патување да се зголеми конкурентноста на компаниите членки на текстилните асоцијации од земјите партнери.

 

Оваа обука беше наменета за приватни компании, претставници на партнерски организации, организации членки партнери и академски кругови.

 

Исто така, обуката придонесе за потенцијална додадена вредност за компаниите и индустријата преку подобрување на услугите што можат да се обезбедат помеѓу земјите партнери и на тој начин овозможувајќи подобра интеграција на целиот регионален пазар.